كيف تشتري لابتوب جديد
طبعا هواي من الاصدقاء والمعارف الي لاحظتهم مشترين اجهزة لابتوب باسعار غالية جدا وبمواصفات ماله قيمة ومتوصل لنص السعر وحبيت انه انوه عن بعض الاشياء عند محاولة شراء لابتوب جديد علمود نتفادى خداع البائع وبعض اصحاب المحلات ذات الانفس الضعيفة طبعا قبل كل شي واول شي من تدخل للمحل لتسوي نفسك متعرف شي سوي نفسك فاهم كولشي وتعرف بكل المواصفات التقنية الصغيره والجبيره ويفضل تاخذ واحد وياك علمود دخلتكم تصير اله وزن وتتقربون بصف الجام خانه وتتناقشون بصوت ناصي ميسمعة طبعا انصح الي كاعدين بغداد يشترون من الصناعه تكون ارخص بهواي من المحلات وبالنسبة للاخوان المحافظات من شارع الجملة وطبعا تفتر كل المحلات قبل لتشتري وتعامل اول شي تسال عنه البائع وهو البروسسر وهو المعالج تساله عن النوه وتسمي اله بالانكليزي بروسسر علمود يعرف انته تعرف وتسئل عن سرعته بعد مينطيك نوعه اذا كان سيليرون وهو الاسوء حاليا او بونتيوم او كور2 ديو او كوراي 3 او كوراي 5 او كوراي 7 الارقى بعد معرفت نوع المعالج اسئلة عن حجم الرام ولتقبل تحت ال 2كيكا تحت اي ظرف بعده اسئله عن نوع المذربورد هو شنو اسروك او ازوز او اي نوع طبعا انته بهذا سؤالك راح تربكه جدا لان حتى هو مراح يعرفه او ممطلع علي الانادرا بعده اسئله عن حجم كارت الشاشه ونوعه مثل منفصل او متصل ويفضل المنفصل لكبره وسعته بالعمل اما النوع اج دي او نفيديا ويفضل نفيديا بالالعاب بعده تسال عن حجم الهارد بعدهه تسال عن نوع الشاشه ال دي او ... ال سي دي طبعا المفضل ال دي لكونها احدث وبيها ميزات اعلى بعدها تجيك السعر زين طبعا الحجي انته حافظهن ذني واكف مسيطر لتحسسه انه انته تريده للالعاب لان راح يعتبرك هاوي وغير محترف بالتكنلوجيا بعد متتاكد من السعر وتسجل المواصفات وسعره تتجه لمحل ثاني وتشوف الاسعار مع مراعاة نوع لابتوب سواء دل او لينوفا او اج بي او اي نوع تفضله لحد متلكه السعر المناسب طبعا شباب هذي نبذه بسيطه دون الخوض بتفصيلات المواصفات التقنية حتى محد يحاول يغلبك بالاسعار ونصيحة قبل متشتري لابتوب شوف مواصفاته واسئل بلكروب لوجود كثير من الاخوة المتخصصين .... عذرا على الاطالة لكبر الموضوع وتشعبه .... امتع الاوقات